Справы Паўла Юхневіча і Мікіты Сасіма разглядалі ў судзе Фрунзенскага раёну Менску. Ад 10-й раніцы іх чакалі там сябры і паплечнікі. Але хлопцаў прывезьлі туды толькі ў 13 гадзінаў.
Гаворыць Яўген Сільвановіч:
“Мы спрабуем прыходзіць на ўсе суды, наколькі нам дазваляюць вучоба і праца. Намагаемся падтрымаць людзей маральна. Самі вельмі часта трапляем у такія сытуацыі. Ведаем, як прыемна бачыць твары сяброў. Мажліва, такія акцыі больш значаць за тыя, якія мы праводзім. Неабходныя праявы салідарнасьці менавіта ў такіх жорсткіх умовах”.
Міліцыянты не дазволілі перадаць затрыманым цёплыя рэчы і ваду. Яны ўтварылі жывы ланцуг і нікому не далі наблізіцца да Паўла і Мікіты. Калі журналісты паспрабавалі сфатаграфаваць затрыманых, міліцыянты закрывалі іх твары ад камэраў.
Марта Маісенка прыйшла ў суд, каб падтрымаць хлопцаў. Яна лічыць, што для іх важныя такія праявы салідарнасьці:
“Гэта тая падтрымка, якая адчуваецца. Трэба рабіць тое, што ты хочаш, каб зрабілі для цябе. Было б значна лепш, каб прыходзіла большая колькасьць людзей. Напрыклад, калі таго ж Сасіма раней судзілі, то прыйшло значна больш людзей. Тады й міліцыянты сядзелі ціхенька, забіўшыся ў куток”.
Судзьдзя Сьвятлана Любецкая заслухала паказаньні сьведак — супрацоўнікаў міліцыі Фрунзенскага раёну маёра Натальлі Цянунінай, капітана міліцыі Натальлі Булаўскай, опэрупаўнаважанага Максіма Ханецкага ды іншых.
Максім Ханецкі паведаміў, што быў са сваімі калегамі ў мікрараёне Сухарава, дзе за апошні час адбылося шмат кватэрных крадзяжоў. Паводле спадара Ханецкага, Мікіта і Павал падаліся яму падазронымі. Падчас затрыманьня ён пагражаў ім зброяй.
У судзе Ханецкі ня змог патлумачыць, зь якога ўваходу зайшоў у будынак міліцыі і ня ведаў імя кіраўніка раённага ўпраўленьня ўнутраных справаў. Сказаў, што нядаўна там працуе. Пры гэтым міліцыянт сьведчыў, што затрыманыя нецэнзурна лаяліся, калі ішлі ў ягоны кабінэт.
Адразу пасьля абвяшчэньня прысуду — 7 сутак арышту — Павал Юхневіч пасьпеў сказаць некалькі словаў Радыё Свабода:
“Мой арышт – адказ на тое, што апазыцыя прапанавала дыялёг. Некаторыя з кіраўнікоў спэцслужбаў з такім дыялёгам ня згодныя. Толькі гэтым я тлумачу іх дзеяньні”.
Максіма Сасіма арыштавалі на 5 сутак.
“Лічу, што гэта прэвэнтыўны арышт, зьвязаны з падрыхтоўкай да “Эўрапейскга маршу”.
Кіраўнік аддзелу аховы правапарадку міліцыі Фрунзенскага раёну Дзінас Лінкус забараняў размаўляць у калідоры з затрыманымі. Калі ён убачыў, што ў Мікіты Сасіма ў руках зьявіліся пакеты з вадой і ежай, то груба адабраў іх, пагражаючы хлопцу новым тэрмінам за непадпарадкаваньне.
Павал Юхневіч
Мікіта Сасім
Затрыманьні моладзі каля ўправы Партыі БНФ, 12.10.2007 Завяршылася сьледзтва ў другой крымінальнай справе З.Дашкевіча, 12.10.2007
Гаворыць Яўген Сільвановіч:
“Мы спрабуем прыходзіць на ўсе суды, наколькі нам дазваляюць вучоба і праца. Намагаемся падтрымаць людзей маральна. Самі вельмі часта трапляем у такія сытуацыі. Ведаем, як прыемна бачыць твары сяброў. Мажліва, такія акцыі больш значаць за тыя, якія мы праводзім. Неабходныя праявы салідарнасьці менавіта ў такіх жорсткіх умовах”.
Міліцыянты не дазволілі перадаць затрыманым цёплыя рэчы і ваду. Яны ўтварылі жывы ланцуг і нікому не далі наблізіцца да Паўла і Мікіты. Калі журналісты паспрабавалі сфатаграфаваць затрыманых, міліцыянты закрывалі іх твары ад камэраў.
Марта Маісенка прыйшла ў суд, каб падтрымаць хлопцаў. Яна лічыць, што для іх важныя такія праявы салідарнасьці:
“Гэта тая падтрымка, якая адчуваецца. Трэба рабіць тое, што ты хочаш, каб зрабілі для цябе. Было б значна лепш, каб прыходзіла большая колькасьць людзей. Напрыклад, калі таго ж Сасіма раней судзілі, то прыйшло значна больш людзей. Тады й міліцыянты сядзелі ціхенька, забіўшыся ў куток”.
Судзьдзя Сьвятлана Любецкая заслухала паказаньні сьведак — супрацоўнікаў міліцыі Фрунзенскага раёну маёра Натальлі Цянунінай, капітана міліцыі Натальлі Булаўскай, опэрупаўнаважанага Максіма Ханецкага ды іншых.
Максім Ханецкі паведаміў, што быў са сваімі калегамі ў мікрараёне Сухарава, дзе за апошні час адбылося шмат кватэрных крадзяжоў. Паводле спадара Ханецкага, Мікіта і Павал падаліся яму падазронымі. Падчас затрыманьня ён пагражаў ім зброяй.
У судзе Ханецкі ня змог патлумачыць, зь якога ўваходу зайшоў у будынак міліцыі і ня ведаў імя кіраўніка раённага ўпраўленьня ўнутраных справаў. Сказаў, што нядаўна там працуе. Пры гэтым міліцыянт сьведчыў, што затрыманыя нецэнзурна лаяліся, калі ішлі ў ягоны кабінэт.
Адразу пасьля абвяшчэньня прысуду — 7 сутак арышту — Павал Юхневіч пасьпеў сказаць некалькі словаў Радыё Свабода:
“Мой арышт – адказ на тое, што апазыцыя прапанавала дыялёг. Некаторыя з кіраўнікоў спэцслужбаў з такім дыялёгам ня згодныя. Толькі гэтым я тлумачу іх дзеяньні”.
Максіма Сасіма арыштавалі на 5 сутак.
“Лічу, што гэта прэвэнтыўны арышт, зьвязаны з падрыхтоўкай да “Эўрапейскга маршу”.
Кіраўнік аддзелу аховы правапарадку міліцыі Фрунзенскага раёну Дзінас Лінкус забараняў размаўляць у калідоры з затрыманымі. Калі ён убачыў, што ў Мікіты Сасіма ў руках зьявіліся пакеты з вадой і ежай, то груба адабраў іх, пагражаючы хлопцу новым тэрмінам за непадпарадкаваньне.
Павал Юхневіч
Мікіта Сасім
Затрыманьні моладзі каля ўправы Партыі БНФ, 12.10.2007 Завяршылася сьледзтва ў другой крымінальнай справе З.Дашкевіча, 12.10.2007
